Penínsulas

Unha comedia filosófica sobre a nada. Unha muller solitaria e un home frustrado tentan superar os seus medos nun mundo dominado polas telecomunicacións.

Unha viaxe de ida, outra de volta. Unha ferida na cabeza. Un burro. As ovellas. A igrexa. Unha pota. O campanario. As candeas. O vento que sopra. A madrugada. A confusión. As rúas empedradas. Os pasos solitarios. Os paxaros que voan. Os espellos non correspondidos. Onde podemos atopar unha imaxe verdadeira nesta noite que entra?

O entendemento do espazo-tempo doméstico e cíclico no cine de Ozu Yasujirō encárnase en Hara Setsuko, a "Virxe eterna"; muller, actriz, personaxe e mito que aparece constantemente soa no plano e é cómplice nun atentado contra o entendemento clásico do raccord.

Entre a fantasía e a realidade, a conciencia dunha muller esperta a causa dunha viaxe interior que reflexa o mundo que a rodea.

Como gravar unha palabra? Como oír unha fotografía? Como contar con só 26 palabras unha vida amorosa? Como meter no dicionario o que non nos cabe na vida? Anahit Simonian, fascinada polo universo onírico do fotógrafo francés Guillaume Poussou, colle unha cámara por vez primeira na súa vida e documenta os ritmos do proceso creativo e as melodías dunha reflexión sobre o latexar fotográfico: sístole para o motivo retratado, diástole para a súa sensación visual.