Alberto García-Alix é un cronista escuro e tenro que radiografa o underground (na súa definición máis ampla) para retratar a humanidade que latexa dentro, liberándoa do esquecemento e a marxinación.
Curtocircuíto 2017 reclama a atención sobre a súa obra cinematográfica e programa dúas das súas pezas audiovisuais más significativas, complementos pero tamén spin-offs do seu labor fotográfico onde achan un perfecto equilibrio a sensibilidade e a dureza.
Esta proxeción contará coa presencia de Alberto García-Alix.
Duración: 60m 00s
Alberto García-Alix
A través da súa propia voz e desde un presente subxectivo, Alberto García-Alix reflexiona sobre o seu pasado e sobre a súa fotografía. Un "monólogo infinito" co que Alix nos achega ao seu lado máis íntimo e poético; unha viaxe á memoria entre o presente e o pasado da súa obra e, polo tanto, da súa propia biografía.
Alberto García-Alix
Durante tres anos (2012-2015), García-Alix creou unha fábula fotográfica, un relato de oitenta imaxes para desmontar a súa realidade e achegarnos a un mundo onírico, o seu propio universo inventado, un horizonte falso.